一口價無附加費濟州島婚紗｜
連同粉黛亂子草一天拍攝六景

擔心海外婚攝有額外收費？這對香港新人選擇 One Plus One Wedding濟州島婚紗，一口價無附加費全包服務拍攝粉黛亂子草、蕎麥花、波斯菊、牧場及海邊共六個場景，全程輕鬆安心的韓國婚紗攝影。

​

一口價無附加費 婚展揀選多元攝影風格
 

喺七月會展婚展，睇咗好多間公司提供嘅package，最終選擇 One Plus One，因為佢提供好多唔同風格嘅攝影師，而且仲係一口價，冇附加費。
 
簽約後，One Plus One職員有keep住同我哋聯絡，無論email定WhatsApp都覆得好快，好有交帶。影相前，佢地有提供model photo比我哋參考，可以跟住練習笑容同pose，又有一張checklist畀我哋跟住執行李，好貼心。
 
Package包左4日3夜酒店，房好大，仲睇到海景。一入到房，有兩塊mask，等我地影相前可以護膚。
 
拍攝當日，翻譯楊小姐一早到咗酒店大堂，我哋遲咗少少落去，佢都叫我哋唔洗擔心，話會追返啲時間。雖然佢係濟州當地人，但講到流利普通話，我哋全日都有傾有笑，佢仲成日讚我哋做得好，影得好靚，好似兩個明星。
 
當日第一個流程係去化妝set頭，翻譯喺去緊嘅車程已經預先問定我鍾意嘅風格，一去到化妝師同髮型師都ready好，好快我哋兩個嘅妝髮都搞掂。之後，上一層揀婚紗。我total試咗5套，好多職員幫手換衫，每換一套衫都只係用幾分鐘時間，成個過程好迅速。揀好婚紗，就去車程距離十分鐘嘅地方揀男禮，職員好專業，會推介邊款西裝cutting同顏色啱新郎。
 

隱世Cafe避開人潮 粉黛亂子草打卡

去到第一個拍攝點，就同攝影師會合。佢會講吓當日流程，又會問我哋鍾意嘅風格。我選擇嘅第一個拍攝點粉紅亂子草（又名：粉黛亂子草／粉紅芒草），只有每年九月中至十一月中先有，喺好熱門嘅打卡點，本來都擔心好多人會影響拍攝。但攝影師好識得揀地方，佢揀咗一間隱世cafe，當時大概十一點幾，只有少量韓國當地遊客同幾對婚攝，個場地好大，大家都可以順利拍攝。攝影師會教我哋點擺pose，翻譯會喺旁邊側拍，我哋可以喺轉場過程望吓，睇吓啲表情動作點樣可以再自然啲再靚啲。

​

翻譯是持牌導遊 全部景點免入場費

呢間隱世cafe同之後另一拍攝點需要收入場費，翻譯會幫我哋畀住先，到最後返到酒店大堂先一次過結算。因為翻譯喺濟州當地持牌導遊，所以全部景點都唔洗收入場費，我哋只係需要出我哋兩人，攝影師，助手共四人嘅費用。 
 

六景一日拍勻 落雨大風助手即時保暖

喺cafe影完粉紅草同波斯菊後就轉場，同時都有少少時間喺車上食飯卷做午餐。之後嘅拍攝點，牧場，雞冠花，蕎麥花同海邊都冇乜人，全日都好順利。到最後，影夜景嘅時候，開始落雨，又大風，太陽又收咗，都幾凍。每當攝影師暫停拍攝，助手都會衝上前攬住我，幫我保暖，好窩心。
 
今次嘅婚攝體驗非常好，香港嘅職員，濟州當地嘅翻譯，攝影師同助手都好細心，會推薦 One Plus One 畀各位。