售前售後都超滿意！
濟州婚紗攝影體驗分享

想尋找值得信賴的濟州婚紗攝影推薦？這對新人欣賞One Plus One Wedding與濟州觀光公社合作的背景，分享從拍攝前溝通、拍攝安排到售後服務都獲得高度評價，收到自然唯美的濟州婚紗攝影作品，留下難忘的濟州島婚紗回憶。

 

婚展原本只想攞資料 卻即場落訂

 

我今年同先生籌備婚禮時，本來只係打算去婚紗展攞資料睇下，無意間發現咗One Plus One Wedding嘅婚攝作品，一睇就深深被吸引。佢哋影出嚟嘅相好靚，風格自然又唯美，完全就係我心目中理想嘅感覺。冇諗太耐，我哋即刻決定揀One Plus One。婚紗展嗰日啲店員態度好好，講解每一個流程都非常仔細，仲推介咗幾位人氣攝影師俾我哋參考。我同先生商量完之後，覺得好放心，當場就落訂決定合作。
 

濟州觀光公社合作背景 信心保證

價錢方面我都覺得幾合理，因為包埋三晚濟州海邊酒店住宿。返屋企之後我仲特登上網再搵資料，原來One Plus One之前試過同濟州觀光公社合作，令我哋對佢哋更加有信心。
 

四個地點由朝影到傍晚 攝影師敬業

拍攝當日安排非常好，負責我哋嘅翻譯係位當地阿豬媽，自學普通話講得好流利。佢全程接送我哋去set頭化妝、揀婚紗禮服，仲有隨行化妝師同行幫手。佢哋嘅服務真係超貼心，小幫手會即時幫我整理裙擺、頭髮，照顧到無微不至。十月尾天氣開始凍， 小幫手見我有啲凍仲主動攬住我保暖，真係暖到入心！ 阿豬媽仲好體貼，怕我哋拍攝太耐肚餓，專登開車幫我哋買飯卷同飲品，味道真係超好，印象深刻。
 
正式拍攝時，攝影師非常專業又有耐性，帶我哋走訪四個地點取景。雖然我哋第一次影婚紗照比較生硬，但佢懂得引導我哋放鬆，逐步帶出最自然嘅笑容。影出嚟嘅效果超乎預期，自然又浪漫。我哋由朝影到傍晚天黑先完成，攝影師仍然保持專業態度，真係非常敬業！
 
成個體驗真係完美無缺，One Plus One令我哋喺濟州有個浪漫難忘嘅Pre Wedding之旅。無論係服務、價錢定相片質素，都非常值得推薦。如果身邊有朋友打算影婚紗相，我一定會介紹佢哋搵One Plus One。
 

售後回覆快 進度清楚交代

另外，佢哋嘅售後服務都好到不得了，我哋用電郵聯絡，每次都好快有回覆，會清楚講返進度同預計收相時間。最近收到修好嘅相，我同先生睇完都超滿意，真心覺得揀啱隊伍，衷心多謝One Plus One成個團隊嘅用心和努力！