由開始準備結婚事項時，就開始周圍去搵Pre-wedding公司，當時係日本同韓國兩個地方掙扎緊嘅時候...就係IG無意中發現「One Plus One Wedding」，一睇到就好鐘意佢嘅攝影風格。
 
 
係未問價前，以為oversea prewedding價錢一定比較貴，但原來價錢非常相宜。除咗包化妝同婚紗晚裝之外，仲包埋酒店，拍攝當日仲有專車接送，更加唔會有額外收費，所以我地係Airside婚展問完詳情之後就即場落訂。
 
酒店嘅位置好好，離機場好近，而且係海邊，環境好好。附近仲有好多餐廳同便利店，行十分鐘左右就去到市場，好方便！
 
到拍攝當日，翻譯員好早就到酒店大堂等我地，仲非常nice，全程同我地有講有笑，令到我地都放鬆咗。翻譯員嘅體貼係最令我記得，特別係回程時我地都攰，佢準備埋小食比我地醫肚。同埋...佢好細心咁播咗我提及過鐘意嘅kpop，超sweet！
 
化妝室好靚好大好舒服，一路化妝會一路問我鐘唔鐘意個妝或者有冇改善嘅地方，最重要冇hard sell其他產品或者服務，超好！
 
跟住攝影師都好搞笑，會好好咁lead住我地去擺post同埋笑～仲會不停讚我地好靚好靚，影都影得開心啲～
 
攝影師去到現場見到有其他花海，就算時間緊迫都即場幫我地加影埋，有意外嘅收穫～
 
小助手都係非常值得一讚，佢帶埋飾物比我替換，佢仲要無時無刻都係我地身邊執我地嘅髮型同服裝，仲會跑過嚟幫我拎裙擺，超級細心！順帶一提，小助手換裙超快，換髮型都又快好靚，比相佢睇一睇就即刻幫我整到～
 
真係非常多謝你地嘅耐心同體貼，令拍攝非常順利咁完成～