彩虹道路蕎麥花田四大景點
濟州婚紗攝影｜香港新人真實分享 

拍攝濟州婚紗，最怕錯過經典景點，又要苦等多時才收到相片？

這對香港準新人選定蕎麥花田、彩虹道路、森林及公路四個經典場景進行濟州婚紗攝影，攝影師每個場景拍攝後即時分享照片確保滿意，司機翻譯全程貼心協助，三日內已收齊全部原圖，留下難以抉擇、幾乎每張都喜歡的韓國婚紗照回憶。

出發前詳盡資訊　準備充足輕鬆無壓力

我哋啱啱喺九月底去咗濟州島拍婚紗相，成個過程都係由 “One Plus One” 團隊安排，真係非常滿意！從我哋一開始同佢哋接觸，就感受到佢哋嘅貼心服務。喺我哋出發之前，打電話俾我哋，睇下有冇問題需要協助。亦email send 咗好詳細嘅資訊俾我哋，包括拍攝流程、天氣狀況同埋注意事項，令我哋準備得非常充足，完全無壓力。
 
拍攝當日，我哋喺早上9:30準時從酒店出發去美容室化妝set 頭。化妝師好細心問我嘅preference , 出嚟效果好好。另外set 頭我只係話咗想令塊面睇落細啲，髮型師整日嘅髮型都好靚好滿意，即使喺海邊遇到強風，髮型師都好有耐性幫手處理，亦會細心提點拍攝細節，完全感受到佢哋嘅專業！一整日拍攝過程入面，髮型師同翻譯都幫我哋影咗好多花絮同側拍，影咗好多我哋蝦碌，自然流露嘅一面，好感激佢哋幫我哋記錄低哩啲珍貴嘅回憶！

彩虹道路、森林、公路、蕎麥花田　四大標誌景點

我哋揀咗四個好靚嘅自然景點，涵蓋咗濟州島標誌性嘅場景，包括彩虹道路，森林、公路同蕎麥花田。攝影師亦非常有經驗，無論係喺海邊定係森林裡，佢都善用自然光同場景，幫我哋捕捉咗好自然同動感嘅畫面。

攝影師即場分享照片　每個場景確保滿意

​

每次攝影師都會細心指導我哋擺姿勢，令我哋感覺自然放鬆，相片出嚟嘅效果好靚。攝影師仲會喺每個場景影完之後即刻畀我哋睇相，確保我哋對效果滿意，呢啲細心嘅安排我哋真係好感激。
 
喺唔同景點之間嘅路程中，司機兼翻譯員亦非常幫得手。佢除咗負責接送我哋去每個拍攝景點，仲幫我哋同攝影師溝通，確保一切順利。因為攝影師係韓國人，語言上有時會有少少隔閡，但有咗翻譯員嘅幫忙，成個過程都好流暢。而且，佢仲帶我哋去買咗當地嘅午餐。為咗趕拍攝行程，佢哋幫我哋喺車上食飯，雖然只係簡單嘅紫菜包飯，但味道好好，亦節省咗時間，令我哋可以輕鬆完成一日嘅拍攝。雖然一日嘅行程比較長，我哋差唔多晚上7點先返到酒店，但整個過程都安排得好順暢，完全冇感覺到趕時間。

三日內收齊全部原圖　張張喜歡難以抉擇

拍攝完成之後，只係三日內，佢哋已經將所有原圖相片發俾我哋，出相速度真係好快！相片嘅質素非常高，捕捉到當日嘅感動同幸福，無論係光線、構圖，定係情感嘅表達，都非常完美。最困難嘅係，我哋要喺咁多張靚相入面揀出30張做精修，真係好難抉擇，因為幾乎每一張我哋都非常鍾意！
 
總括嚟講，“One Plus One” 團隊真係值得推薦，雖然出發前都有少少擔心，但完成當日拍攝後，我哋都開心多過攰，整日拍攝都充滿笑聲。而且無論係前期準備、當日嘅拍攝安排，定後期嘅出片速度，佢哋都做得非常專業同貼心。佢哋每一個細節都好關心我哋，令我哋有一個輕鬆又開心嘅婚紗攝影體驗。如果想去韓國影pre- wedding , 真心推薦 “One Plus One”!