自然系攝影師引導真實互動
韓國婚紗攝影｜
收費透明零壓力真實分享 

拍婚紗最怕鏡頭前表情僵硬、笑容不自然？

這對準新人特意選定主打輕鬆約會感的自然系攝影師進行韓國婚紗攝影，攝影師全程引導真實互動，捕捉動人笑臉，入住四日三夜海景酒店，收費透明、白紙黑字毫無隱藏，留下浪漫自然又零壓力的濟州島婚紗回憶。

 

攝影師選擇多　精選自然系拍攝風格

​

濟洲島pre wedding 初體驗

今次我哋揀咗One Plus One Wedding 嘅濟州Pre Wedding package，因為覺得佢攝影師選擇比較多，包專車接送，化妝set頭揀衫同埋景點比較flexible ，最令到我哋心動嘅係包咗四日三夜嘅海景酒店，價錢亦都好透明冇隱藏收費，而One Plus One 職員好詳細咁樣介紹佢哋嘅package，亦都白紙黑字寫到明package內容有啲咩，有疑問都會詳細解答，所以信心大啲。🤣

 

化妝挑選禮服一站完成　全程輕鬆零壓力

去到拍攝呢一日由朝早到晚全程大概10個鐘，首先翻譯人員會喺酒店接我哋去set頭化妝，之後揀衫（女仔包兩套婚紗，男仔包一套西裝，可以揀多款呔替換），然後團隊帶我哋由工作室出發，直奔大自然開始拍攝，感覺零壓力。
 
化妝嘅時候化妝師好細心，會問想要咩風格，主要都係化自然韓妝，突出我哋原本嘅眼神同笑容。男仔女仔嘅髮型都可以要求點set ，或者根據佢嘅審美去set。翻譯全程陪住我地，解釋每個步驟，同埋翻譯同我哋講左濟州好多嘅風土民情，好熱情又有禮貌，感覺好親切。
 

攝影師引導真實互動　捕捉動人笑臉

搞掂晒所有嘢，中午就會開拍！出發前幾日攝影師會制定好拍攝路線，會根據天氣同你調整拍攝嘅時間同埋日子。我哋揀左行自然style嘅攝影師，主要係隨性咁捕捉愛情嘅小火花，就好似一場輕鬆嘅島嶼約會。
 
拍攝期間攝影師超pro，唔會只係叫企定定，而係引導自然互動：「想像你哋喺度約會，牽手散步，望住對方偷笑。呢個真實笑臉，最動人！」仲會教埋我地點樣擺甫士同埋點樣郁影出嚟先至靚！

 

助手細心打理　大風天即時補救

影相全程有助手幫手，當太大風嘅時候助手即刻上前撥順頭髮，補粉，擺番好件婚紗，成件事好細心。 仲會幫手轉換髮型（大讚助手set頭超靚）、補妝、幫新娘換衫，仲帶埋耳環飾物俾我換！真係好貼心🥰
 
而翻譯人員會全程幫手翻譯攝影師講嘅嘢，幫助成個拍攝過程，俾咗滿滿嘅情緒價值我哋！唔識聽韓文都冇有怕。
 
推薦畀想行自然風嘅情侶，One Plus One 濟洲島婚紗照絕對係最值得嘅回憶！