濟州島婚紗照全包套餐
無隱藏收費｜
Jeju Studio 17夫婦攝影師真實分享

對不少準新人而言，收費透明與服務細緻同樣重要。這篇濟州婚紗攝影分享記錄了全包套餐無隱藏收費的濟州島婚紗，濟州夫婦攝影師由朝影到晚，幾千張原相免費下載，多包兩晚酒店做後備，防天雨改期更安心，輕鬆完成理想的濟州島婚紗。

​

翻譯全程貼心陪同 化妝揀衫一氣呵成

​

首先拍攝當日，翻譯康小姐一朝早好準時就出現係酒店大堂等待我地，然後就即刻接載我地去當地studio化妝同揀婚紗禮服。係整個造型過程，我地會先化妝、揀婚紗、頭髮造型，然後再去揀西裝。無論係邊一個環節，kojihyeong既工作人員都會好有耐性咁詢問我地既意見，然後比好多實用又專業既意見我地，等我地呢啲選擇困難症既人，都可以好快就揀到又靚又適合自己既婚紗同西裝^_^ 而係成個過程真係多得康小姐幫我地好精準地同當地工作人員翻譯，我地先可以順利同工作人員溝通，如果唔係真係會雞同鴨講唔知點算好。

​

除此之外，康小姐知道拍攝當日行程會好趕急，怕我地忙到冇時間食飯會餓親，所以好貼心咁幫我地準備埋午餐同點心。係整過拍攝既過程中，多得有康小姐不停幫手翻譯，我地先可以同攝影師無障礙咁溝通，確保每一個細節都清楚明白。最後仲要多謝康小姐一整日負責埋揸車，帶我地去唔同既景點拍攝，最後仲要車返我地返酒店，真係辛苦哂喇。

 

攝影師臨時加插玫瑰園薰衣草田

而studio 17攝影師夫婦更係非常專業。佢地都係非常有經驗既攝影師，整個拍攝既氣氛都好好，佢地會親自指導我地唔同既pose，又會不停讚我地，比好多鼓勵既說話我地，令到成個拍攝氣氛都十分輕鬆又愉快。就算我同男朋友呢啲平時唔慣影相的人都唔會覺得有壓力，影出來的效果好自然同好開心！另外，原本我地只定左4個拍攝景點，但途中攝影師見到玫瑰園同薰衣草田開得特別靚，於是臨時加插幫我地影多左唔同景點既相，影出黎既效果仲要十分好，完全係預料之外，！雖然當日拍攝時間十分長，由朝影到黑，但攝影師夫婦都非常有耐性，全程都好有活力，辛苦哂攝影師夫婦一整日擒高擒低幫我哋去搵唔同嘅角度去拍攝。雖然暫時只收到原相，但我地都已經好滿意，完全影到我地心目中想要既果種自然同小清新既感覺。
 
而隨行既助手姐姐都非常好。每去到一個新景點，助手姐姐都會幫新娘再轉一轉造型。唔單止會幫手換髮型，仲會幫手補妝，確保新娘子係每張相都係咁靚^ ^要特別讚助手姐姐知道新娘子冇耳洞，特別準備定啲耳夾耳環比新娘子，令到啲造型更加完整同精緻。而係外景行路既時候，助手姐姐又會主動幫手拎住婚紗既裙擺，等我唔會咁容易比條裙絆倒或者整污糟條裙(⁎⁍̴̛ᴗ⁍̴̛⁎)

​

由朝影到黑 幾千張原相免費下載

返到黎香港冇幾耐就已經收到哂整個拍攝既所以原相，原來唔經唔覺就影左幾千張相，多得one plus one wedding同攝影師咁有效率，我地先可以咁快到原相，而且所有原相我地都可以下載返，唔使再另外加錢，呢個價錢就係好公道。
 
今次整個package收費非常透明，會清楚寫明包括既所有項目，冇任何隱藏收費。公司仲好同心咁係酒店準備左mask比我地前一晚敷，等我地第日可以用最好既狀態去拍攝。另外係整個拍攝前同拍攝後既過程，公司同我地用電郵聯絡亦好順暢，無論我地有咩問題或者要求，公司都會好快回覆，仲會盡力幫我地同攝影團隊溝通，務求滿足我地需要。
 

多包兩晚酒店做後備日 防天雨改期更安心

另外仲想一讚one plus one 公司包既酒店非常有驚喜。房間非常大同整潔，仲要包多2晚比我地做buffer，以免我地因為天氣問題而需要改期，真係非常貼心！
 
總括嚟講，今次整個濟州拍攝過程都好滿意，好期待之後收到嘅靚靚相簿，如果身邊有朋友想嚟濟州影婚紗相，我一定會推薦one Plus one公司比佢哋(⁎⁍̴̛ᴗ⁍̴̛⁎)