韓國婚攝客人分享
Epilogue

濟州冬季限定 ·
雪景 + 油菜花同日拍｜
濟州婚紗攝影

濟州冬天也能拍出夢幻婚紗照？

這對香港新人透過 One Plus One Wedding 完成冬季濟州婚紗攝影，遇上雨天更可免費改期。拍攝當天更幸運地同時拍到油菜花田、雪景及海景，一天體驗冬春兩季截然不同的景色，留下獨一無二的濟州島婚紗回憶。

​

2月寒冬出發 意外拍到濟州油菜花

​

揀咗2月去濟州影婚紗相，出發前有點擔心，因為冬天濟州天氣飄忽，仲擔心會唔會因為季節問題而冇靚景，點知原來濟州冬天除左雪景，仲有油菜花影！幸好搵咗One Plus One幫我哋安排成個拍攝行程，喺出發前已經send咗好多詳細資料俾我哋，無論係衣物準備、注意事項，甚至拍攝當日嘅流程，令我哋有充足準備。
 

出發前預留Buffer 落雨即時改期

到咗濟州之後，原本既拍攝日撞正落大雨，但攝影師以及One Plus One主動幫我哋即時調整拍攝日期，幸好One Plus One安排咗幾日buffer，否則要落雨影相會好麻煩。
 

夫婦攝影師專業引導 油菜花田出太陽

拍攝當日一早，負責翻譯嘅朴姐已經到酒店樓下接我哋。朴姐好健談，沿途不斷鼓勵我哋，提醒我哋注意事項。第一站係化妝、set頭同揀婚紗，店長好專業，化出嚟嘅妝容好自然又有韓式feel。揀婚紗時可以試6件，助手姐姐手腳超快，好快就換好一件。西裝店都好多款式選擇。
 
正式拍攝時，攝影師夫婦好專業，唔單止好識揀景，仲落力教我哋擺POSE，知道我哋對住鏡頭尷尬，會不斷引導我哋，仲會示範俾我睇。第一個拍攝地點係油菜花田，當時竟然出咗太陽，影出嚟好靚，真係非常難得。
 
助手姐姐同翻譯朴姐喺成個過程中都非常幫得手。助手幾分鐘內就幫我轉妝同換造型，仲整到我心目中既造型。知道我冇穿耳洞，仲特登準備咗夾式耳環俾我，非常細心！而且每次影完相，佢都會即刻跑過嚟幫我披上羽絨，朴姐全日都陪住我哋，負責翻譯、揸車之餘，仲幫我哋側拍記錄，又時不時遞暖包俾我哋，陪我哋一齊凍，非常感謝兩位。
 

一日影齊花田、雪景、海景三種對比

一日之內可以影哂花田、雪景同海景！過程順利，值得推薦。