由之前拍拖就開始留意ONE PLUS ONE嘅濟洲島PRE WEDDING，本身已經好鍾意濟洲島呢個地方，更加吸引我嘅係佢嘅粉紅亂子草，所以要影相第一時間就係婚展JOIN左，本身我都係個怕麻煩嘅人，所以佢仲有另一個地方吸引我，就係婚紗花妝同攝影師都係當地嘅，令我只係執行李買機票就可以出發。另外，1+1嘅PACKAGE係包埋三晚酒店，仲更加唔需要煩，酒店好乾淨舒服，而且好方便，而且係海邊，窗口望出去已經係海。

 

拍攝當日，翻譯姐姐已經係樓下等緊我地，車我地去揀衫同化妝，係短短嘅車程佢會問我大概鍾意咩類型嘅婚紗，點樣嘅髮型，化妝偏好係點，佢亦都會根據本身我地揀左嘅拍攝地點比建議，令我地節省唔少時間。我地揀左wedding21嘅婚紗，因為覺得佢比較簡潔，但其實款式都令我花多眼亂，最後揀左四件出黎試，試衫姐姐都好友善，而且動作好專業好快手，所以最後我同男朋友化妝揀衫大概只係用左兩個半鐘，就可以出發拍攝地點。

 

拍攝嘅過程係令我地覺得最開心同最滿意，本身1+1係同好多當地嘅studio攝影師合作，可以比到好多唔好style我地揀，亦都可以滿足到唔同嘅人，我地最後揀左一對夫婦攝影師，因為影出黎可以有兩種感覺，而且我地好鍾意佢作品好自然。係拍攝過程中，因為我地兩個都唔係好習慣面對鏡頭，而且唔識擺動作，所以一開頭都好緊張，攝影師夫婦會好有耐性指導，上至點樣企，下至手指點放，佢地都講得好清楚，令我地好快就掌握左點做，成個拍攝都變得順利，而且攝影師夫婦非常友善，亦會同我地好多交流，令氣氛輕鬆唔少。係拍攝過程中，除左攝影師及翻譯姐姐外，仲有一位助手我地都非常感激佢，所有換衫轉髮型補妝換鞋等等都係佢一手包辦，每當有空閒時間都會幫我著番外套，極之貼心。

 

總括而言，當日拍攝過程非常之順利，我地都非常感激1+1嘅所有安排，佢帶比我地一個好難忘嘅prewedding回憶，如果有朋友問我，我都會非常推介1+1。