我地係來自澳門的～由決定結婚開始，就係度物色影prewedding嘅婚攝公司。睇過好多唔同地方或風格嘅prewedding相，心入面已經有自己嘅preferences。身邊多數人都係澳門或者台灣影，但係因為我唔鍾意同人撞，而且大多數風格千篇一律，就想物色返另類啲婚攝。平時有追開韓劇，都幾鍾意韓式個種好清新嘅婚紗相，做左啲research之後突然諗起之前見過有人係濟州影prewedding，相較韓國studio嘅場景富麗堂皇，濟州就係注重戶外shooting，風格亦都符合我唔想太華麗隆重，想簡單自由feel啲嘅想法，於是就著重係搵有濟州prewedding 嘅公司，然後就搵到one plus one啦！咁岩個段期間香港有婚展，我同男友事前同one plus one夾好時間過去瞭解啲details，佢地好有耐性地解答我地嘅疑問，同男友討論完之後，當場就決定左我地嘅prewedding要交比one plus one啦～

​

Package係包晒婚紗西裝同酒店的，所以我地只要夾到時間買機票然後飛過去就得了，去到checkin入房，見到one plus one為我地準備嘅面膜真係好貼心～

有個小插曲係：飛前兩日因為濟州天氣唔穩定，影相嗰日大機率會落雨，one plus one都即刻聯絡返我地建議改日子，經過商議之後就改後了一日，嗰陣都非常擔心會唔會落雨拍唔成，幸好天公作美，拍攝順利完成啦～

 

我地嘅翻譯姐姐叫宋姐，佢好好人，接送我地去化妝換衫嘅途中，我發現我漏左對nubra係酒店！宋姐聯絡返婚紗公司嗰邊之後就即刻車我返酒店攞，真係非常唔好意思。宋姐人好好仲安慰我夠時間唔洗急，真係好多謝佢！

全程嘅翻譯都做得好好，因為我識聽少少韓文（多謝韓劇），所以拍攝期間反應比較快，可以跟到攝影師嘅要求。但係我男朋友就比較緊張，個人好僵硬😂😂翻譯同攝影師都好有耐性引導我地，做得好亦會讚我地。我地拍攝嘅日子係4月，雖然有啲太陽但係風吹過黎就有啲凍，我係好怕凍嘅人，隨行翻譯一有空檔就會即刻攞件大棉被包住我，等我冇咁凍🥹

 

到傍晚我地去海邊拍攝，真係真係好凍，我凍到成個人震晒，影相笑嗰陣牙教都震埋（我係真係好怕凍的），翻譯姐姐都一直鼓勵我，叫我加油，最後一個景啦，唔怕架影出黎好令架 咁。影完準備走嗰陣因為我已經凍都僵晒隨行姐姐仲幫我洗腳洗晒啲沙，回程嗰陣又叮囑我要返去飲啲熱野暖下個身，真係好warm～

 

第二日就收到全部相片嘅drive啦！原本好擔心我地兩個第一次影相，唔知出到黎嘅效果如何…點知有好多張都好好睇！超令！心大心細揀左好耐先揀到quota🥰依家就係期待成品出黎啦😌

​

多謝one plus one

多謝翻譯宋姐

多謝隨行助手姨姨