Epilogue

斯房菜婚嫁系列1:
Pre-wedding Vendor 推介 One Plus One Wedding

當初朋友介紹我哋認識One Plus One,嗰種熱烈嘅程度令我哋一度懷疑佢係股東。但由濟洲番嚟,我哋就知道One Plus One嘅魔力!

價錢入面已經包酒店住宿,而且One Plus One會幫你安排好囇。基本上只需要同攝影師夾到個期,請咗假買張機票就可以起行。出發前One Plus One仲會俾張温馨提示你,提大家影相前有咩要準備。簡單嚟講就係啱曬我哋哩啲一放工番到屋企就熄機嘅懶人!

酒店離機場車程只係大約15分鐘左右,而且喺正海邊,行5-10分鐘就係七星街、黑豬肉街、中央地下街、東門市場同魚生街,食好嘢同shopping單喺位置已經無得彈!Emart都係喺附近㗎咋,要臨急抱佛腳買手信都唔使驚!

去到酒店先知咁啱酒店有空房,所以酒店幫我地將間房upgrade左,間房望到海景架!!!仲發現枱上面放咗兩塊One Plus One預先準備嘅面膜,但哩啲都只不過係一連串窩心小禮物嘅起點!

試身嗰日保姆揸車去到我哋酒店樓下接我哋去試衫。保姆可以講流利國語,仲會做埋我哋翻譯,所以溝通絕對唔係問題。

婚紗店整座樓高三層,成座都係佢哋一間公司,由化妝、set頭、試衫全部一站式喺一個地方搞掂曬!

到達婚紗店後佢哋會因應新娘嘅氣質提供一系列嘅婚紗俾你試,試到啱為止,完全無壓力,就算你有選擇困難症都唔使驚,因為全部都好靚,好啱香港女仔身型,而且店員會好用心咁根據你想去影相嘅地方揀衫俾你試。

出發之前可以先睇一睇旅遊書,睇吓有咩景點想去,或者睇下相有啲咩效果想做,send番俾One Plus One,攝影師就會幫你plan埋路線,咁影相嗰日你只要出現就得。喺邊度影著邊套婚紗哩啲嘢,攝影師會幫你諗埋,完全唔需要操心! 

拍攝當日計埋我哋兩個一行六人兩架車:攝影師同助手、化妝師、保姆;一共去咗五個景,換咗四個造型,影咗大概六小時左右。我哋兩個都係一見到鏡頭就會唔多識笑嘅人,未影之前好緊張。好在攝影師係追求自然嘅感覺,我哋只係做番自己玩下玩下咁,拍攝過程一啲壓力都無!

最欣賞係攝影師同化妝師嘅心思:

攝影師車尾係一個小型衣帽間,有唔同嘅道具、頭飾、花束、煲呔、領呔不特止,佢哋仲會就地取材用植物做各樣嘅頭飾,化妝師仲會幫新娘因應天氣轉換髮型㖭! 

而One Plus One為我哋準備嘅小禮物第二回就係真玫瑰花球同埋有祝福寓意嘅塗鴉板,有得DIY又可以做埋Props,一舉兩得!保姆知道我哋係咖啡精仲幫我哋一早準備好咖啡同紫菜飯卷,唔怕餓住笑唔出!

拍攝當日十分大風,而且好凍!化妝師、保姆同女攝影師只要唔使影相過場期間就會即刻撲過嚟用羽絨包住我,真係好感動!攝影師oppa就好似蝙蝠俠咁打開自己件羽絨幫手擋風!

影完相,保姆會送番我地番酒店,基本上全程都唔洗用腦!出發前仲擔心影相過程會好Chur好攰,但出奇地我地兩個都覺得好好玩,仲想影多輯添!

文章來源: ESDLife

  • Facebook
  • Instagram
grey whatsapp-logo-circle.png

E-mail: oneplusone.cs@gmail.com

Tel: +852 97659773 

Office Hour: Tue - Sat 10am-7pm (Close on public holiday)

Hong Kong Add: 

Unit 1007, 10/F, Sterling Centre, No. 11 Cheung Yue Street, Lai Chi Kok

(2-minute walk from Lai Chi Kok Station Exit A)

Korea Add:

1/F, Naraeofficetel, 103-6, Ganseok-dong, Namdong-gu, Incheon, Korea