十分滿意！一定會推薦比朋友！

拍攝當日，翻譯姐姐一早到左酒店大堂等我地（前一日睇漏眼冇聯絡到翻譯姐姐朴小姐真係唔好意思☹️好彩記得我地要影相）

​

翻譯姐姐好熱情，沿途同我地傾計等我地冇咁緊張，最記得佢話「今日係你地嘅日子，有咩想要嘅即管同我講」，聽到呢句真係有種比人重視嘅感覺，好窩心。之後全日真係會感覺到並唔係客氣說話黎😂

​

梳妝連試婚紗西裝大約3個鐘。化妝個陣陪住我不時問我滿唔滿意個妝，邊到想加強唔夠嘅就同佢講，佢會即刻同化妝師溝通！整髮型個陣一樣，見到我個樣少少遲疑即刻問有咩想法，即刻幫我修正返個髮型！

​

完成化妝之後，就去左揀婚紗。咁大個女都未試過幾個人幫我著衫，驚你跌親又扶手又攬攬咁，受寵若驚！幾位幫手試衫嘅同事真係比足情緒價值，又會好認真比意見。婚紗款式真係好多，化妝個陣都會比部iPad 睇定款式，有想法即刻同翻譯姐姐講，同事們即刻拎埋比我試。成個試婚紗過程都好順利迅速但又唔會有趕收工趕你走比下一位新娘試嘅感覺！

​

去到開始拍攝個陣，首先studio 17兩夫妻攝影師真係超爆nice，教我地點樣擺pose啊，好專業！呢到真係要再讚爆翻譯姐姐同埋助手姐姐！翻譯姐姐直頭係第三個攝影師咁，不斷講「互相看」「看新娘」「看女攝影師」「看男攝影師」「看天空」，就算影完相成腦都仲係呢幾句指示😂另外，助手姐姐真係好貼心，拍攝途中要不斷換鞋，中途又要換另一套婚紗，佢都好專業好快手，好少比人幫著鞋真係好害羞又唔好意思，但助手姐姐真係好敬業，全程都好投入拍攝，不停跑黎跑去幫我擺裙補妝🥹

​

影到最後真係又快樂又攰同埋日落開始凍。翻譯姐姐同助手姐姐影完要轉位就即刻拎外套同毛巾包住我保暖🥹本身都帶左便服想影，真係好想唔影算（想收工嘅心），但翻譯姐姐話都帶左做咩唔影埋，強烈建議我地要影埋，企喺我地角度幫我地諗真係好感動！最後影埋便服就完成左成個拍攝！好開心好滿足！送到我地返返酒店仲教埋我地點樣洗頭😂

​

真係好多謝好多謝one plus one帶比我地呢個可能成世人得一次嘅體驗！想試下做一日kpop 明星嘅話一定要揀one plus one！十分期待收到成品！