性價比非常高的濟州婚攝

我上年同先生Plan結婚的時候，第一時間都諗住去婚紗展睇下資料，不過由於花多眼亂，都未係睇到好合適自己嘅風格，直到我上Instagram搜尋，無意間發現One Plus One Wedding嘅婚攝完全係我杯茶！！

跟住一路睇佢哋的網頁，都覺得佢哋嘅相影出嚟好靚，同埋原來我身邊都有朋友之前喺呢間度影Pre Wedding, 所以我都唔諗太多決定揀One Plus One, 跟住WhatsApp都好快約咗個時間同先生上去了解詳情，入邊嘅店員都好好，好詳細同我哋解釋每一個步驟同細節，佢哋仲推介我哋邊幾位攝影師比較受歡迎，我同先生商量過後決定即日比訂金😆

另外價錢合理，因為係包埋3 晚濟州海邊嘅酒店，我之後返到屋企都有搜尋多啲資料，原來One Plus One係曾經有同濟州觀光公社合作，所以對呢間店舖好有信心。

去到拍攝當日，翻譯姐姐準時到達酒店大堂，有專車接送去set頭化妝，之後去揀婚紗同禮服，當日仲有個隨行化妝師幫手，我想講佢哋嘅服務真係非常細心貼心又周到，因為我哋兩個都唔識得韓文，好彩翻譯姐姐嘅普通話真係出奇地好，所以我哋溝通都沒有問題。在此要多謝翻譯姐姐真係好好，因為佢會好照顧我哋需要，拍攝當日又怕我哋肚餓，佢仲揸車去佢介紹嘅店舖買飯卷，我食完真係好難忘，因為真係好好味！！😆

好啦正式出發去拍攝了！攝影師係一對couple，佢哋好專業亦都好合拍，當日總共去左4 個地方拍攝，我要大讚佢哋真係好有耐性，因為我係第一次俾人影相，個人好生硬，但經過佢哋指導之後影出嚟嘅相係出奇地自然，亦都非常滿意！拍攝過程好順利，攝影師好有耐性，不停教我哋點樣影先至係最自然最好睇，同埋當日都影到夜晚6 點幾差唔多天黑先完滿結束，佢哋真係好盡責 值得一讚！❤️❤️❤️

因為影相嗰陣時仲係屬於夏天，新娘個妝都比較易溶，隨行化妝師好細心，會迅速幫我補妝，值得一讚！！

多謝One Plus One令我第一次有機會去濟州影相同埋順便觀光，呢個地方真係好靚好浪漫，我好推薦新人準備影婚紗相嘅都可以揀One Plus One, 因為無論係服務價錢同埋質素我都覺得性價比非常之高，日後我身邊如果有朋友會結婚影相嘅，我都會推薦One Plus One俾佢哋❤️

One Plus One嘅售後服務亦都做得好好，我哋通常都係以WhatsApp或者電郵溝通，佢哋亦都回覆得好快，會話俾我哋聽進度同埋幾時大概會收到相之類，咁最近都收到精修圖後嘅相，我同先生睇完都覺得好滿意，非常值得❤️❤️❤️❤️❤️❤️

在此再次多謝One Plus One 團隊嘅幫忙，令到我哋有個難忘嘅Pre Wedding旅程