我自己因為好鍾意繡球花，所以一路都計劃要影有繡球花嘅婚紗相，一開始係想去日本影嘅，但係做咗好多research發現原來日本人唔係咁鍾意接非本地人嘅生意(可能怕溝通唔到)，所以就打消咗個念頭。

​

之後就不停上網搵吓邊度有得影繡球花，然後俾我見到One Plus One wedding 可以去濟州島影繡球花，而咁啱我有個朋友之前都係搵呢一間影，佢都好推介我哋喺呢間度影。所以好快就搵咗One Plus One 上佢地office傾啦，了解咗個plan之後發現真係好放心，佢哋會俾晒所有可以喺濟州影到嘅花嘅開花期我哋，所以就可以因應自己想影嘅花，去揀出發嘅月份。

​

首先我地個plan會包咗4日3夜嘅酒店，然後拍攝日子都會有一日係Backup for有機會落雨而要改日子(我哋拍攝當日會落雨所以真係有改到日子)，拍攝當日會有一個翻譯同一個補妝set頭整理衣服嘅韓國姐姐全程跟住你(佢哋係超級Nice)，而且佢哋會包咗一架車載你去唔同嘅景點到影相。

​

同埋最好嘅就係One Plus One 有好多個韓國當地嘅攝影師比你揀，有唔同嘅style揀，同埋佢哋有屬於佢哋先知道嘅景點，所以真係非常之放心！

​

去到拍攝當日上午，翻譯姐姐已經喺酒店大堂度等我哋，就出發去婚紗店度化妝同埋揀婚紗，我係化咗妝先嘅，可以比一啲你鍾意嘅妝容俾化妝師睇，同埋都不得不驚嘆韓國姐姐嘅化妝技術，簡直係化腐朽為神奇🤣亦都嘗試咗打火機燒木棒卷睫毛🤣真係超靚🫶🏻set頭嗰part亦都非常之細心，仲可以要求佢幫你修一修個頭🤣同時未婚夫，都開始set頭同埋化妝，佢仲係咁讚啲韓國姐姐好溫柔添☺️

​

去到揀婚紗嘅部份，會有幾個Staff一齊嚟幫你揀婚紗，佢哋都會推介一啲喺韓國比較受歡迎嘅婚紗俾你，唔鍾意嘅話佢哋就會攞個第二套俾你去揀，我揀完婚紗之後，就到未婚夫去揀佢嘅西裝，嗰間西裝店係超靚，所有店員都超級時尚，好快未婚夫都已經可以揀到一套適合佢嘅西裝。然後就可以起程去影相啦。🤵🏻

​

本來以為攝影師會揀啲比較較近嘅景點，但係原來真係揀啲秘境，冇乜遊客嘅地方，但係影出嚟係非常之靚。而且仲可以揀着自己嘅便服，同埋可以帶自己嘅紀念公仔或者花束。

結束嘅時候都非常之開心，雖然好攰，但係大家一齊經歷咗好多嘢咁

返到嚟一個月內就已經收到晒所有嘅原圖，呢樣對我地嚟講係最重要！如果俾我再返轉頭揀多次我都仲係會揀One Plus One!