舊年係婚展睇下d Prewedding package， 無意中路過見到One Plus One 個booth 擺出黎d相好似都幾靚，就過咗去睇。聽完d staff介紹先知原來去影studio 本身都已經直接可以包埋租裙/禮服同化妝，仲要全程有埋翻譯同studio有姨母nim全日跟住我幫手換衫，即刻心動咗。本身我同未婚夫都係懶人黎，諗起其他無論係HK定overseas影PW都要自己搵攝影/MUA/租裙/租禮服就頭痛，所以用One Plus One真係幫我地解決咗唔少煩惱。

 

我地揀咗個1-day special package係中午先去Jenny house 化妝set頭，之後先去studio揀完衫就直接可以開始影啦。不得不提有得揀jenny house去做化妝set 頭 lee個option幾好，比我一次過體驗埋KOL成日去ge搵外國化妝師行程。個度無論化妝師定髮型師都真係好專業，快手得黎又好注重detail， 直頭每條眼睫毛都慢慢同你tune咁。翻譯都會keep住問你有無覺得邊度需要再調整再話返比化妝師同髮型師聽，所以完全唔會有溝通唔到ge感覺，成個過程都超順利。 而且比佢地化完對眼bling得黎又有種好溫柔ge feel，真係幫之後影相出黎ge效果加咗唔少分。

 

之後就同埋翻譯一齊搭的士過去studio揀衫啦，一去到先揀咗男禮先，d顏色同 size都比我想像中多好多，大部份都係簡潔款用下唔同顏色/質地，最多加埋暗格/直紋做變化咁，黑/白/深藍/墨綠/酒紅/深啡/卡其/深灰/淺灰lee d 色全部都有齊。當日studio安排比我地ge姨母nim亦都超專業，一睇就知要攞咩size比你試，所以10幾分鐘其實已經揀好2套西裝啦。

 

到新娘揀衫，姨母nim話可以揀4條裙 (Aline/魚尾/vintage/colour各1) ，又係全靠佢我又一次過就揀到哂d裙，唔洗選擇困難咁係2間房行黎行去。到試完上身決定好真係著邊幾條，就有攝影師過黎同我地打招呼，同埋有好多張sample 比我地簡15個場景一陣影相。因為lee個studio本身就出名d景靚 仲要係天台都有搭埋外景，所以其實好易就15簡齊哂15個景。

 

到開始拍攝，姨母nim好主動幫我換頭飾耳環同鋪裙，一大風就即刻過黎幫我執返好d頭髮，勁細心。攝影師又好專業再加埋親身示範要點擺pose，細微到連手指點放，眼神望向邊都會教埋你，又會幫你影齊哂微笑同露齒笑，等你揀相個陣又可以多個選擇。

 

因為我地自己都有帶一套衫過去影， 佢地都好願意幫我地襯返每個場景要擺咩pose， 同埋都會比意見我地唔同場景可以襯返邊套衫。而且我地都有揀埋影夜景，翻譯都同我地一齊影到9點左右先完。2個星期到已經收到原圖，精修埋都係用多2個月左右，出到黎d相都好靚，成個過程我地都好滿意 。