影得好開心，花又靚！無後悔揀左One Plus One

首先，經朋友推薦後，我哋揀選了one plus one作為我哋影pre-wedding既公司，一開始都好擔心呢間公司好唔好，但事實證明，佢哋好專業，好值得讚揚！

第一次上去香港公司揀選攝影師：

知道one plus one同差唔多20個studio做合作，當初我哋都睇左好耐，究竟應該揀邊間好；正當我地煩惱緊既時候，Staff俾左啲好專業既意見我哋，令我地頓時「叮」左一聲，就好快揀左我地心目中既studio! staff會幫我哋分析平時兩人既互動多與少而去揀選studio！

出發前：

距離出發愈來愈近，緊張既心情就愈來愈多；但one plus one好好，會有個幾頁紙既溫馨提示，提醒我哋有啲咩記得要帶同買，臨影相前一日要做啲咩，個日朝早要做啲咩，令我哋放心左好多！

影相日：

我地拍攝當日早左落去大堂等，就已經見到翻譯小姐等緊我哋；一上車，翻譯小姐就向我哋解釋陣間既流程、拍攝要注意既事項、如果有自己心水既髮型/裙款，可以預先send俾翻譯小姐，佢會幫我哋轉達俾攝影師聽，睇吓邊個場景適合！呢個小舉動好窩心，亦都好感謝當日佢既幫忙，令到我哋既拍攝一切順利！化妝set頭既姐姐都好快手，好快就化左個韓妝，化完去set頭期間，佢哋都會再過黎望下個妝容點，保證你可以靚靚去影相。

兩位攝影師十分專業，初頭我哋兩個都仲好尷尬唔係好知點影，但佢哋會不停教我哋應該要點做，做完仲會即刻讚我哋做得好好，令我哋自信心返哂黎！當收到相之後，我地完全無後悔揀左studio 17！啲相靚到難以形容⋯

拍攝後一個月內就已經收到2千張相，睇返真係回憶返哂黎！仲好記得當日影得好開心，風景正、天氣好、花又靚！無後悔揀左one plus one同呢間studio 17 ，好感謝當日佢哋既幫手，張張相都影得好靚！