我同男友One Plus One 一共book左首爾同濟洲兩個pre wedding package️❤️ 按照我地既計劃會先係首爾影完一輯studio相，然後再到濟洲影埋另一輯戶外景既婚紗相。繼完成左首爾拍攝有個開心美好既體驗後，我就好期待濟洲戶外景既拍攝，所以係出發去濟洲之前已經睇定自己想著咩婚紗，然後心思思係出發前兩日臨時whatsapp 聯絡左One Pls One  職員，話佢地知我想加多一條婚紗裙拍攝。  One Plus One 職員好好，一收到我既信息之後就 online call 我，即時話我知有關收費詳情，仲幫我安排好一切後續既所需事項，我只需準備好我個人就出發去濟洲影靚相啦!!!!

 

以下分享番係濟洲既拍攝體驗先！！

 

同首爾一樣，One Plus One 會係拍攝前兩日，話比我地知拍攝當日既行程。而唔一樣既地方係，今次既集合時間係早上09:55，我同男友都好開心，可以訓晏DD，有多D精神去應付全日既拍攝行程。 

 

到左拍攝當天，翻譯朴小姐非常準時，未到集合時間就已經坐定定係酒店大堂等待我地出發，人又親切啦，肩負住柴可夫同翻譯兩個責任，有d地方仲要好難搵到位置泊車，仲買埋飯捲比我地，辛苦哂你啦️️❤️❤️

 

講番拍攝當日既體驗先，我地朝早係酒店大堂集合，就到去婚紗舖wedding 21 化妝同揀婚紗，可能當日拍攝既新人都比較多，一開始都等左一陣先到我地化，化妝師預先問左你有冇咩特別要求先開始幫你扮靚靚，化完再交俾整頭姨姨幫你set 頭，姨姨們都熟手，有任何想做既髮型都可以比張相佢睇睇，佢地會盡力整出黎，整好頭之後就去揀婚紗，因為我地係最後一對新人揀婚紗，所以係等待過程，翻譯比左iPad 比我睇，睇定款式試身，一邊睇既時候翻譯見揀婚紗個個位置既人流減少左，就帶埋我睇下實物，加快左我既選擇進度😂😂😂差唔多等左15分鐘左右就到我試啦，韓國婚紗舖既試身姨姨好熟手，轉個頭已經試哂，最後我揀左三條去影相，跟拍姨母會按住我所選既裙配好飾物，包好哂裙就出發去揀男友西裝，西裝店個oppa 非常有經驗，我地只係大概講左想要著咩色西裝，佢好快就幫我男友配左套好岩佢既西裝，仲要好fit 岩哂身， very nice 

 

一切準備就緒之後，翻譯姐姐就即刻車我地去第一個拍攝場地，我地當日行程係先影櫻花，跟住到森林，再到油菜花，最後係海邊️️❤️❤️攝影師會係第一個拍攝場地同我地會合，佢係濟洲當地既攝影師，十分熟悉靚景靚位既位置，所以一集合之後，就即刻開始拍攝有左首爾既拍攝經驗之後，我地今次對攝影師要求都掌握得好快，加埋翻譯姐姐既解說，成個拍攝過程都好順利，加上拍攝個日天氣好好，攝影師又好擅長利用光影角度拍攝，影出黎既相全部都好靚，最驚喜係森林個個場景，一個看似簡單既森林，配上攝影師唯美既光角度，剩係當下比我地睇既相已經覺得好正好有feel。同埋攝影師真係好有心，自已準備埋道具，係影油菜花田既時候，係日落下幫我地用泡泡棒整左一個大泡泡，然後叫我地深情一吻，個張相影出黎個個效果我地都好鍾意️️️❤️❤️❤️。多謝攝影師全日陪住我地上山下海，又中午影到日落，幫我地影左好多靚相，特別係收到相之後，有好多相影出黎既效果都令我喜出望外。完全冇後悔當初要影哂首爾同濟洲既決定牙️️️❤️❤️❤️

 

最後，係尼到再次多謝oneplusone 的職員，同埋當天所有既工作人員️️️❤️❤️❤️令我有 1+1 個開心幸福既婚紗相拍攝體驗️️❤️❤️❤️

​

新娘子

Lemon