我同我男朋友咗喺復活節假期去影 Prewedding。正值係呢個重點賞花時期，我已經留意咗呢間studio好耐，喺一年多前已經book定咗呢個攝影師，個個都話我做咩咁早。影完之後完全冇後悔過，我只能講我做得好好嘅準備。其實我喺香港都已經影過四次Prewedding，今次絕對係我體驗最好嘅一次。​

 

原定3月31號到濟州4月7號離開濟州。影相嘅日期係4月4日。非常不幸地都係落雨同陰天️🥲

好彩細心嘅One Plus One 竟然幫我哋免費轉咗做4月1號嘅晴天好開心呀🤭令到我所有相片都有女神光。

​​

事不宜遲開始講吓嗰日嘅行程。大約10:00開始化妝，翻譯完好早就已經到咗迎接我哋，仲為我哋準備咗早餐添，講真個翻譯普通話好過我，溝通完全冇難度。​

 

首先，我地成功體驗咗韓式化妝45分鐘完成快靚正我個人覺得個妝容清淡簡單，呢個就係韓式化妝嘅特別之處。我男朋友都有化妝仲話佢自己嘅條眉畫得好靚。​

 

到揀婚紗環節，我想講我揀親着上身都係靚到冇得彈好老實講，我覺得韓國嘅婚紗着出嚟嘅cutting好過喺香港揀嗰啲最後決定加錢著一套🤭🤭三套婚紗‍♀️出發。我男朋友就有一套免費嘅西裝（佢自己都自備咗兩套西裝）。​

 

嗰日天氣非常之好，有太陽得來又唔會太熱有少少風好舒服啊我哋去咗樹林，原本諗住樹林好普通，點知去到影到啲相係好似神級咁呀！影出嚟簡直有嘩嘅感覺！喺香港從來未見過^_^，入邊嘅樹好直加上自然嘅陽光就有一種好浪漫嘅感覺，忽然之間覺得自己公主上身㖭啊！​

 

之後當然去咗我嘅重點項目花花世界，影咗我最想影嘅櫻花同埋油菜花，我地就化身花花世界嘅公主同埋王子啊🤴我哋一共去咗主要嘅四個景點，樹林、櫻花景佢帶咗我哋去兩個、油菜花、風車。​

 

我揀嘅攝影師係studio 17，係兩夫婦，男仔比較cool少少，女仔又靚女又可愛，仲識教我擺甫士添，令到我哋整日嘅氣氛都非常之開心，真係從來未試過影相都有呢一種愉快輕鬆嘅感覺，真係諗起都興奮🥰如果可以嘅話真係好想再影多一次呀！​

 

為我補妝嘅助手都好細心，好願意聆聽我嘅需要，幫我設計髮型換衫。最最最感謝就係不斷用佢部電話幫我錄花絮。我見到用手提電話都影到咁靚，對攝影師更加唔需要擔心🤭🤭期待收到嘅相片。 ​

​