係籌備婚禮既過程中，最期待既一個環節就係影婚紗相。由於我一向都偏愛韓式攝影風格，首選當然係去韓國影婚紗相啦！！所以就係網上搵左幾間影韓國婚紗相的公司做資料搜集，然後再去婚展了解詳情，經過一番對比後，我同男友都覺得One Plus One 講解得最詳情，性價格比高，既符合我想影韓國公主風studio的要求，又可以滿足到我影到濟洲戶外靚靚的心願，首爾package 仲要可以去到我夢寐以求既Jenny House 體驗韓式新娘化妝，一次過滿足我多個願望，所以就即刻係度book左首爾同濟洲兩個pre wedding package啦❤️

 

事不宜遲，分享番成個拍攝體驗先！！

 

鏡頭一轉，去到接近出發前兩個月，One Plus One 會send 份貼心小提示比我地，讓我地有充足時間去準備影婚紗相。然後到拍攝前兩日，職員就會話比我地聽當日既行程，雖然當日近收工時間先收到個時間表，但我一追問，職員都好快回覆同提供相關資料比我，態度不錯👍🏻。去到拍攝前一日，我地再收到當地翻譯Suki 傳來既信息，好窩心甘再提示我地同拍攝要準備同注意事項，我當晚跟住佢個checklist 照單執藥，準備好第二日拍攝需要既物品。

 

我地想藉住尼個機會特別多謝翻譯Suki ， 全靠佢今次既拍攝過程先會甘順利。首先因為佢係香港人，同聲同氣，全日都好似個大姐姐甘，不斷照顧我地，為我地忙前忙後，除左幫我地同化妝髮型師溝通外，又協助攝影師提點住我地動作，仲幫我影左好多靚靚既花絮，等我未收到正相，都可以睇住花絮相回味❤️❤️ 完完全全係一位好稱職的神隊友牙👍🏻👍🏻 Thank you so much!!!

 

回到正題，講番拍攝當日既體驗先，我地朝早05:30就係酒店大堂集合，天未光未訓醒就去左Jenny house 化妝，唔知係米剛到步，皮膚唔適應，生左好幾粒暗瘡，但成個化妝過程完全感受到韓國最高檔次化妝室既專業，一個新娘妝分開兩個化妝師化，各自有彼此專責既部份，個妝化完出黎好精緻，完全睇唔出我生左幾粒暗瘡，連男友都大讚❤️❤️化完妝之後就去左整頭髮，髮型師會先問左我有冇心水想整既髮型先, 我將已經預備好既相片比左佢睇，起初我仲好擔心自己頭髮唔夠長，但最後整出黎既效果我非常滿意，完全係我想要既韓式髮型❤️❤️❤️而男友平時冇點打扮，經髮型師手筆，都整到佢成個oppa 甘😂😂😂

 

一切準備就緒之後，我地就出發前往studio 揀衫啦，一去到有位好熱情既姨母幫我男友度身揀西裝，然後又問我有冇心水想著既婚紗裙款，按照我心意一共拎左6款裙比我試，仲推介我試一條本身自己唔敢著既吊帶黑色裙🙈🙈估唔到出黎個效果又好好睇喎❤️❤️

 

揀好裙之後，跟住就同攝影師開會，討論下今日影邊幾個場景，攝影師會根據我揀既裙款為我配襯番合適既場景，然後就開始拍攝因為我同男友都係影第一輯婚紗相既關係，一開始超緊張，幸好攝影師好nice, 助手又好好人，不斷指導我地動作，而翻譯Suki 不斷幫我地翻譯攝影師既意思，仲有跟拍姨母貼心幫我整理髮型同裙擺，拖住我出入，又因為當日天氣都小小凍，姨母一轉場景就幫我披毛毯，比熱咖啡我暖手❤️❤️當日拍攝一切都好順利，氣氛係攝影師帶領底下都非常之好❤️❤️而最後影出黎個效果，我同男友都非常滿意牙❤️❤️

 

係尼到多謝One Plus One 的職員，同埋當天所有既工作人員❤️❤️❤️令我有一個開心幸福既婚紗相拍攝體驗❤️❤️❤️

 

新娘子

Lemon