濟州婚攝 遇上落大雨 但One Plus One前後幫我哋改咗3個期
最後順利係好天拍攝！

最近終於收到濟洲拍攝的婚紗相完成品，所以想打返個評語分享:) 我地揀的公司係ONE PLUS ONE。坦白講，我揀之前無做功課，只係instagram見到佢地post的相唔錯，所以就去join左。後來有朋友同我講，呢間公司麻麻地，話佢係網上的評分唔係咁正面，所以我當時係有d唔開心，同埋擔心。但so far我整個trip心情都係愉快的，相片出到黎都可以喔～我覺得都係一次合理的消費，下面就詳細分享下啦:)

我地係希望去濟洲影繡球花的，所以plan左係6月尾出發。我地係2月落訂的，基本上由2月到出發前，我哋主動向佢地查詢任何問題，佢地都有盡快回覆。佢地都算覆得快既，一般我send左email問佢地問題，大約2-3日會收到回覆，基本上都係有問必答，所以提議搵左agent影相的新人，自己都一樣要上心d，有咩唔明有咩想知就要出聲問。比較印象深刻係收到佢地比我的貼心小提示(reminder)，入面講哂出發前有咩要帶，有咩到時係唔包，要自己準備。最貼心係提埋新娘子出發前要做咩護理，頭髮染咩色之類，係幾詳細，我最後都真係跟住佢地個list執行李:)

出發前一星期，agent 致電比我話原定拍攝日期會落大雨，問我地想點安排。因為6月係濟洲雨季，點知真係遇上落大雨。但打黎既應該係d part time，態度唔係咁好，同埋問佢好多野都唔識.....唔係咁專業。好彩之後係熟手D既職員再打比我，都好好咁幫我地改期，keep住跟進濟洲的天氣。

最後出發到左目的地，再睇天氣報告，改左期的日子又係會落雨，真係好唔開心。但係佢地都好好，又再幫我地再延遲左2日，記得當日係晚上11點了，佢地都仲同我地電話聯絡緊改期的事宜，真係辛苦哂大家。所以最後一共係改左3個日期，好好彩最後拍攝日係大晴天，雖然前幾日大雨，好多繡球花都死哂，但總算可以影到相，不枉此行。

想大讚化妝同婚妙團隊，化妝室環場境好好，有3層高，化妝師都非常專業，個妝上鏡好好。佢地推介既婚紗款好岩我之餘，成個揀衫試衫過程超級快，佢地3個人幫我fitting，係5分鐘試一條裙咁...唔係誇張，老公都覺得好驚訝。化妝師幫老公整既髮形都好好睇，好韓風!

翻譯朴姐份人好好，而且睇得出佢經驗十足，比左好多有用的建議我地，又幫我地買lunch，仲請我地飲咖啡，揸車去會合攝影師途中，都介紹左好多景點比我地之後去玩。

最後係攝影師，佢份人都好nice，教左我地好多pose，當日天氣好熱，但大家都好認真影左大半日。so far影出黎的相片構圖上我地係幾喜歡，可以揀到唔少相，精修都做得幾好。