回想我地既Pre-wedding真係困難重重，但好彩有one plus one既團隊幫我地一一解決。

 

我因為箍牙既原因，同老公只可以選擇6月尾出發影相，但big day係11月，原本都苦惱點好，好彩係婚展問到one plus one可以配合到我地既時間。One plus one有多個合作既韓國studio可以比我地選擇，好好彩我地最想簡既攝影師都咁岩可以滿足我地要求既出相時間，咁當然都要求我地盡量一收到原圖就快快簡好相比佢執修啦，正當我地以為可以放晒心啦，但one plus one用佢地經驗預告我地6-7月係韓國雨季，特別濟州島天氣更加係變化無常，要我地有心理準備要預多幾日做後備影相日，我地當時都抱持住樂觀既諗法應該會好天既。

 

時間好快到左6月尾出發去影相，出發前我地一直有上網睇濟州天氣預報，都話有雷雨，心情好徬徨之際，one plus one都有keep住send濟州氣象圖比我地，問定如果原定日子真係落雨，會唔會改前或者改後日子影相，呢個舉動比我地覺得佢地有持續幫我地留意情況，令我地都好放心。

因為有免費送3晚濟州酒店，所以我地一到達濟州就直接去酒店check in了。房間安排都好滿意，房間好大，直接望到海，超級舒適。最貼心係房間內有one plus one職員預先擺放既心意卡同mask，提示我地攝影前一日做足準備放鬆心情，真係超級貼心！

 

終於到攝影日，濟州天氣真係變好勁，我地化好妝，各自簡好婚紗西裝，點知開始落微雨，同埋風好大！心情開始灰時翻譯姐姐一直叫我地唔好擔心，除左落車幫我地買好食物同水，仲全程好穩陣接載我地到達每個拍攝場地，仲會用自己手機幫我地影好多花絮，真係超級感謝佢！

另外，helper同攝影師都超級好！因為落雨同大風既關係，我set好既頭被逼要扎起晒，傷心到想喊時，helper同攝影師都一齊黎安慰我唔洗擔心，會幫我影得靚靚地。

 

Helper仲會好有心機咁不斷幫我轉髮飾同耳環等等，攝影師最令我意想不到係佢見到路邊有一大扎好靚既花就採左落黎比我地影相用，證明真係好用心幫我地影相！

 

因為影相當日又風又雨既關係實在太狼狽，好擔心一定影到炒晒車都似啦，點知收到原圖後，張張相都影得好靚呀！真係好意外！我地真係非常感謝one plus one成個團隊同安排，令我係天氣不穩下都可以順利完成拍攝，Thankyou~