受颱風影響 濟州天氣不穩 但One Plus One Wedding 好上心幫我哋留意天氣 改期影相

被求婚後既第一件事，係討論去邊度影婚紗相。未婚夫只有一個要求—就係香港以外既地方影。由於我地都無特別中意既風景或者建築，我又想簡一啲襟睇唔會過時既地方，所以最後就決定左去一年四季都有花既濟州影啦。

決定左地方之後就開始做資料蒐集，One Plus One係我第一間搵到既公司，睇左一輪網頁資料我就已經被佢深深吸引住，因為佢地同好多當地攝影師合作，影相既風格色調都各有不同。婚紗店既相亦都好吸睛，各種各樣的婚紗款式都有。我最欣賞既係佢地係全包（翻譯、化妝、酒店⋯），岩哂我依啲懶人，真係帶個人去就掂哂。

我地係透過婚展預訂既，雖然都有順個路去睇下其他既公司，但都真係無One Plus One咁吸引，所以我地好快就乖乖咁坐係度聽職員同我地介紹有關服務，職員真係好好，佢好耐心咁同我地介紹唔同攝影師既特色，又會同我地分析唔同季節既花期，介紹完之後完全無問我地係米要即時join plan，我地係係無壓力之下拎哂想要既資料再慢慢考慮。其實我地一早都簡定左One Plus One做為中介公司，要考慮既其實只無係簡邊個studio，因為每間包既野都會有啲唔同，所以好難做選擇。

終於到左出發前一日，因為受颱風影響，濟州島天氣不穩，我地都有不停留意個天氣預報，見到話會落雨，內心都好不安。大概係下午既時候就收到 One Plus One既電話，職員話參考天氣預報同攝影師既建議，佢地覺得延後一日影天氣會好啲，因為相信佢地既專業我地都同意左改期。除左口頭上同我地講，當晚佢地都有電郵提供最新天氣預告截圖比我地睇，真係有上心咁幫我地留意住，服務態度係完全可以令我覺得好安心。

到左影相當日，真係陽光普照，一朝早翻譯Song就準時到達左酒店大堂接我地去婚紗店，佢流利既國語同我地溝通得好好，笑容又好態度又友善。佢會好努力咁了解我地既各種喜好同想法，然後轉達比攝影師知，所以影出尼既相我地都好滿意。因為有翻譯、助手（化妝師）同攝影師既共同協作，整日既流程都進展得好順利，我地亦都渡過左好開心既一日，期待修圖後既相會更加靚！