因為之前係YouTube睇到有位KOL分享係濟洲影pre-wedding，見到有咁多靚景影，我同老公都好想係個到影我地既婚紗相。我地首先有問個KOL係邊間影，但問左價之後都覺得比較貴所以就再搵其他option。後來睇到one plus one既ig，覺得相既質素都唔錯，於是就約上去佢地公司了解多啲。Bonnie係負責同我地講解，佢都好詳細同我地講每一個季節有咩花影，所有收費都好透明會講清楚，而且都無迫我地要立即做決定。最後都覺得價錢合理，仲有送埋4日3夜既酒店，於是就決定用呢間。

 

我地入住酒店個陣，都見到one plus one寫比我地既卡仲有好細心地比左兩塊masks比我地敷?影相前一日佢地亦都有send email同比我地講返當日大概既行程同埋有咩要注意。

 

影相當日我地首先去化妝，化妝師好專業，真係會一根根眼睫毛咁幫我痴上去。仲有當日都比較多人試婚紗，所以我就好幸運地安排左去下面試，仲有院長同3-4個人serve我地。我睇左幾套婚紗都無超級中意，但佢地都無限我一定要係個幾條到揀，再拎多啲裙過黎比我睇，換衫速度好快 仲有院長推薦左一套婚紗話係韓國明星都有著過，我一睇就勁中意所以揀左個條 之後到揀西裝，老闆拎左套靚料啲既西裝比我地，同埋借多左條呔比我地可以換 

 

之後到出去外影，我地既crew有一個翻譯加司機，一個助手同埋一個攝影師。我地既翻譯係朴姐，佢非常好人，好親切，佢會不停地讚我，令到我係一個唔好係識影相既人都有返啲自信同埋都睇得出佢好經驗，我啲姿勢擺得唔靚陣會提我地點樣擺pose 助手唔太識講英文/中文，但佢都盡佢能力同我地溝通，確保我地係舒服同埋成件事係smooth既，例如見到我地攰都主動沖咖啡比我地飲，每次行出行入都幫我整好條婚紗，同埋因為我地3月尾影，個陣都仲係凍凍地，佢一見到我凍就幫我著返外套。我地揀既攝影師都係超nice，面對我地兩個唔識擺pose又唔識表情控制既人都十分之有耐性，全程都好nice地笑。我地淨條識企係到好生硬咁笑，但佢會教我地手腳要點擺，邊一面好睇，同埋眼要望邊到，影完呢輯相其實自己都學到野? 

 

影完相兩個禮拜左右亦都收到哂所有原相，睇返啲相真係覺得佢地審美眼光好好影出黎見到啲pose真係擺得靚?攝影師攞既角度同光線都好靚，未修圖之前已經覺得啲相都幾滿意，修左圖更靚，一睇就收貨！