疫情呢兩年大家都岀唔到去旅行，係2022年9月份時我同未婚夫都疊埋心水要喺香港影PreWedding 嘅時候，突然收到朋友Whatsapp , 介紹左One Plus One 婚攝公司，話可以去韓國影婚紗相，跟住上去One Plus One 網頁睇吓，原來One Plus One 影婚照係可以揀唔同地方，有首爾，濟州或者香港都有，無論香港或者韓國d 婚照影個景影得好靚。當時睇到朋友0+7都要去韓國影婚攝，仲要影得好靚，搞到我哋心郁郁。

​

點知過咗幾日政府無啦啦宣布0+3 ，我哋就衝左上去One Plus One公司查詢一下海外婚攝嘅資料。 當日上到去One Plus One公司，公司負責人俾咗當地嘅portfolio 我哋睇，原來除左可以揀香港首爾濟州之外，仲可以揀影咩外景主題，連攝影師都有唔同style 可以俾我地選擇，最後我地揀左濟州，因為之前未去過，又睇好多韓劇都有介紹過d 風景好靚，好似渡假咁，我地就決定婚照連旅行一次過。今次安排得係比較趕，因為我地要係11月中放大假果十日裡面影，但係One Plus One 公司好好，同我地講唔需要擔心，只要我地買到來回機票就ok喇，佢地連酒店都可以幫我地安排埋，出發前同去到濟州都有專人聯絡我地，服務真係好貼心。我哋已經好快就俾錢Join左。 期間，One Plus One 負責人同韓國攝影師溝通所有嘢都安排得好快同好順利，唔夠一個月我哋就出發去咗韓國濟州島影相。

 

講返我哋係2022年11月尾出發。出發前當地嘅翻譯姐姐朴小姐好細心咁一早同我哋聯絡咗，提醒我哋當地天氣同埋要留意帶啲乜嘢過去。 我地到拍攝當日，朴小姐一早已經喺酒店lobby接我地出發。朴小姐當日都將我地都照顧得非常之好！

 

由早上去studio 化妝， 揀衫至換衫，都跟到好足，甚至幫我地諗埋買lunch 比我地係車上食，去影相場地中途仲教我地點樣擺post 影會靚d，點樣做可以配合到攝影司等等，教埋我地少少韓文同攝影司溝通嘅用語，沿路又介紹吓濟州地方，邊度有嘢行邊度有好嘢食，成個導遊姐姐咁。 係攝影其間， 由於攝影師全程用韓文溝通，我地一句都聽唔明，朴小姐將每一句都翻譯

得好好形容得十分清楚到肉。 拍攝過程影得好開心，當日天公做美，好好太陽，景色好靚，前一日都仲係落緊雨，真係好好彩，攝影司好專業，每次影相前都會試影幾張風景相睇吓d 光線同角度，然後叫我地把握時間影最靚果一刻，令到我地越影就越有信心。

 

攝影師同朴姐姐經常同我地講笑，我地就由最初好生硬嘅表情慢慢就輕鬆左自然左好多，影得好順利。同埋我地係影嘅過程中唔係好多時間可以用自己手機影到相，知我地都心急想睇相同影低去過嘅地方，朴姐姐每個地方都有幫我地影相，幫我地每個post 每個地點都有影低，真係貼心到爆，我哋就好似包團去左one day trip 咁影足全日，一d 都唔覺得攰，影完之後朴姐姐送到我地去酒店樓下，幫我地攞埋行李袋，佢真係好好，好專業，同埋夜少少佢send 返我地今日佢同我地影果d 相俾我地，講真，影完之後真係好想即刻睇返d 相，佢真係幫我地諗得好周到，而家諗返起整個過程都真係好開心好好玩。

 

One Plus One 公司真係有效率，返香港無耐就可以揀相，原來當日唔覺唔覺都影左過千張相，可以將所有相底原相可以俾我地下載晒唔洗加錢，仲有唔洗我地加錢upgrade 相簿或推銷我地加相加錢，我覺得呢個收費好抵同好公道，係香港影婚攝都要俾呢個價錢，仲有專業團隊安排，我想將呢個咁滿意嘅旅程分享俾大家推薦One Plus One 公司，如果打算影相而又未決定去邊度影嘅朋友，可以上去One Plus One 網址睇睇。