大量文字，請見諒！

 

距離Big Day其實仲有半年，但見到好多SIS都會預早影pre－wedding，所以就心郁郁比較吾同既婚攝公司。

 

經過多番比較，好好彩揀左One Plus One。原因有四：一，我地都係想輕鬆D影studio，而韓國既studio真係好靚，One Plus One既package會送埋夜景俾我地。我地希望honey moon個陣好好享受歐洲之旅，吾想將時間放係影相度，我亦會帶輕婚紗去影生活照。二，好多SIS都話當地攝影師慣左接港客，會好好指導我地點擺Post，翻譯又會貼身跟住我地（下面會再詳細講解）。三，另一個揀韓國原因係佢地執相同化妝技術都比較符合我既口味，又可以升級去星級化妝室－Jenny House。四，佢既價錢綜合其他朋友既經驗，都算合理。

 

好喇，開始分享下我既影相之旅！

 

我地為免天氣關係影響行情，所以提早兩日到達韓國。雖然我地可以選擇佢地提供既酒店，但我地都係就自己而揀其他酒店住。

 

拍攝前一星期，當地既翻譯Cindy好細心提醒我地要注意既細節，而且好詳細解答我既問題。成個旅程最想多謝既都係Cindy！！！

 

拍攝前一日，Cindy會提前到我地酒店接我地去試衫。我地既婚紗店改過一次，而好好彩呢間婚紗店改左名搬新店之後仲高級左，所有裙都好好好靚！！！！我地大概11:00左右到達婚紗店，店門口擺左一行婚紗，見到都好想試！店員先帶我地去獨立試身室，仲有咖啡飲。佢地通常吾會俾全部婚紗我地睇，都係先問下你中意咩款，之後每次二選一甘揀。根據個package，我地會有一件婚紗，一件輕婚紗，一件晚裝，一條短裙（冇得揀，當日下午助手姨姨會帶去studio)，所以大概選左3rounds。最好試衫前去佢官網睇下D款，雖然多數係for big day，但起碼有心理準備。我真係好中意佢魚尾個條，好elegant。男西裝方面，大概有5,6款，有黑色、深籃、淺格仔、暗格、灰色、白色，基本上都幾fit身，佢地會因應佢身型細心度身幫佢調整，吾洗15分鐘就完成。揀完衫，司機會車返我地去酒店，時間都係1點。Cindy再三提醒我地第二日會好攰，一定要早訓，最後⋯⋯我地都係冇聽話。

第二日10:30，司機黎接等地去化妝，可能我地對Jenny House太多幻想，以為要經過重重大門先入到去，可能太早，點知推開度門冇咩人，而且我地好似係第一組客，一踏入門口已經到達化妝室大堂。職員好有禮貌幫我地拎野飲。我地先上樓上洗頭，之後落返下面化妝。化妝鏡前擺左一大堆化妝品，而化妝師會問下我想要咩妝，所以都係要做好功課先吾會浪費時間。我見化妝師不停將化妝品溝黎溝去，又掃又點，真係好似做實驗甘，但化出黎好貼，將我地印都遮曬。頭髮因為天落過雨比較濕，所以髮型師幫我落左好多膠。我最初覺得頭髮太硬，但之後慢慢就變得自然。

 

Studio係江南，所以我地又要坐車去。Cindy請司機幫手買左三文治及紫菜卷俾我地做午餐，我都冇理有冇肚腩，肚餓就要食野！女攝影師真係好型，又靚女。Cindy話以前都吾會有兩個攝影師，但今日就有助手攝影師幫手影花絮，可能係新安排。棟building有兩層連天台係studio，我地基本上都係室內影，有冷氣，好舒服，而且吾算係旺季，影相既人吾多。攝影師會簡單指示要做既動作，Cindy幫手做翻譯，而助手姨姨就會幫我SET頭，整裙，全程都有人服待。另一半原本都笑得好硬，佢自己照鏡練習，好快進步神速。原本得我地影，之後就愈來愈多pair排隊影。因為夏天遲入夜，我地影到去6:30中場休息，等天黑影夜景。我地利用呢個半鐘時間走落樓搵野食，我真係餓到無底線，叫左個飯食。7:45返到去換衫，岩岩好影到，仲好靚，係我地想要既場景！助手姨姨成日都好想幫我整齊個頭，但我就中意凌亂，我知道佢一定覺得我成日challenge佢既專業。去到最後造型，我請助手姨姨幫我紮起頭髮，佢個表情係：真係？！佢紮左幾次都吾滿意，佢話要佢對佢既作品負責任，最後真係好靚，個個都讚！8:30終於完成拍攝！

 

Cindy好快手第二日已經將側影既花絮sent俾我地，未執都靚，好期待成品!