當日我哋行婚紗展，就被One plus one嘅宣傳相(濟州自然風景)吸引住。坐低再聽詳情同參考不同studio嘅相之後，就決定呢次去濟州嘅婚攝之旅！ 

​

我哋好早就飛到濟州島， 酒店check-in時前台同事說已經可以安排房間俾我哋。One plus one亦很貼心，在房間已擺放了兩塊面膜和濟州特產嘅柑橘形蠟燭俾我哋！而且酒店位置非常好，附近有著名嘅黑豬肉一條街、海鮮街、東門市場和七星街！啱晒我哋呢啲香港人去旅行又食又買！就在拍攝前一日，One plus one有同事從香港致電給我們說明天天氣很差，當初聽到這個消息真的是十分徬徨！幸好他們提供了不同嘅方案給我們選擇，並快速地幫我哋重新安排拍攝:)  雖然重新安排做得很快，但當收線後，我哋仲係有些擔心後日嘅天氣。。直到拍攝當朝起床，打開窗簾看到的是美麗的太陽才鬆一口氣！呢方面真係要讚讚拍攝團隊，他們對天氣狀況掌握得非常好！跟住我哋就懷着開心嘅心情準時地落到大堂尋找我哋的翻譯，佢一人揸車車我哋去到婚紗店，婚紗店的職員亦都很迅速地幫我哋安排揀衫化妝set頭，很幸運地濟州婚紗店啲衫都很合我哋心意！ 

​

化妝師、攝影師、翻譯沿途上都很合拍，溝通得非常好，讓我們嘅婚攝順利進行。要讚嘅有好多樣！例如：化妝師每到唔同嘅拍攝景點，就會幫我配襯唔同嘅飾物、set唔同嘅頭、甚至挑選新郎bow tie 來夾我揀嘅婚紗和拍攝場地！非常專業！而翻譯亦都好細心照顧我哋嘅飲食，幫我哋側拍都好認真！當然唔少得兩位攝影師嘅專業指導，可以令到我哋兩個本身唔習慣被影嘅人變得唔緊張，影出嚟嘅笑容變得自然！ 

​

總結，如果你都鐘意濟州既風景，One plus one真係一間好值得推薦嘅公司俾到準新人們輕鬆地享受海外婚攝！除咗有旅行嘅感覺，中間要同韓國溝通亦完全無障礙！