韓國婚攝客人分享
Epilogue
#TheWesTaDay《Ep-14: (長文)婚照三部曲PART 2之
One Plus One韓國濟州婚照》
上篇講完香港影相, 今集要講重頭戲就係正式嘅濟州PREWEDDING 啦!!!!🤵
本來我同何生都打算香港影就算,但我地好想搵嘅果位Photog.........
實在真係太OUTBUDGET(未包衫嘅價已經夠我影哂三輯) 就放棄咗……
有一日上網見到ONE PLUS ONE WEDDING 有個廣告有濟州PACKAGE 包三晚酒店但都仲平香港一大截
同何生商量過後，佢知我想去韓國影相， 佢就話好啦咁我地去啦~(愛死您唷~~ >3< )
所以就等11月婚展就出撃啦~~~ 去到婚展睇佢地D相都覺得唔錯睇~~
因為我好想影櫻花同油菜花嘅關係， 就特登問下四月仲有冇期~~
我鍾意果個STUDIO 又啱啱好仲有一日!!! 但係間WEDDING SHOP 本來係假期， PW公司負責人就打去幫我問可唔可以果日都開， 哈哈, 我又咁啱識少少韓文，佢地又好老實咁唔使加錢， 時間就全部都OKAY 咁仲有咩理由唔JOIN? 所以就即時乖乖獻金><
如是者等等等等到四月終於去影相啦!!!
我地個行程就BOOK咗7日6夜, PW公司包咗我地4日3夜海邊酒店~
酒店位置都算方便, 離機場都係10分鐘的士車程
車費都唔算貴，都可以接受嘅～(註: 濟州物價係比首爾同釜山價DD)
酒店CHECK IN 完入到去見到PW公司有送MASK ~~ 佢地都幾貼心㗎~~第一晚已經用埋添LU~~
*****************************
貼心小提示 : 好多人去韓國影相都會坐淩晨機到埗，
第二日就即刻影相，咁樣會有休息唔夠，
出現水腫嘅現象(呢樣真係好影響)，
我會建議大家係到埗後第三日先去影，
瞓返兩晚休息充足，身體會有多一日時間適應，
咁樣啲相出黎嘅效果一定會靚啲啲嘅~
未去OVERSEA 影相嘅SIS可以諗下~
*****************************
去到影相果一朝早翻譯姨姨一早就喺LOBBY 等我同何生~
佢仲做埋司機真係辛苦哂佢啦~~
一朝早8點幾第一站就去化妝同揀衫先~
間wedding shop係喺一幢building 仔入面有兩層到三層咁
入口下面嗰層就係化妝間，男仔就會喺入口果層裝身，
女仔就會去地下室果層化妝set 頭，個個人都有自己嘅化妝間，
唔會同其他人share, set頭就會好似salon咁喺中間共用位置度整
好啦，先就第一樣野佢同你換咗衫先~就開始化妝啦~~
化妝老師都好有心機~~ 化得好自然~~（은정老師都幾nice)
*翻譯姨姨真係會不停拎你個電話幫你喪影相，
前一晚記得記得記得要叉足電(spare charger 都要記得拎唷)
化完妝就先會去set頭, Set 頭個老師又係好正會同我講笑
(識少少韓文真係有著數啲XD)
(selfie 一下先~~左邊係翻譯姨姨中間係髮型老師)
翻譯姨姨等我搞掂期間就去買埋早餐俾我地
同一陣要食嘅輕食lunch(有韓式飯卷呀）俾我地
(其實佢好窩心的~好似媽媽咁~)
Set 完頭就上返去二樓揀衫，呢間wedding shop 揀衫真係好快 (係秒速!!!!)，
快到我有少少嚇親，快到有兩三個人同你換衫，
件衫都未DETAIL咁睇佢就同你換下一件
如果想去嘅濟州影嘅sis們就最好做定功課
因為佢會即日時根據你嘅身型同想要嘅style去揀衫俾你
(搵定你想要嘅衫類型嘅相俾佢地睇)
原來韓國揀衫係佢揀俾你之後你再揀，而佢地每次只係拎兩三套
因為我自己又無做足功課，同埋要即時決定，其實就有啲啲急嘅
(全日美中不足嘅位之一，少少咁多多扣分)
衫呢佢就包女仔兩件大婚紗同埋一套輕婚, 男仔呢就包咗兩套禮服
你自己都可以帶自己想影嘅裙 / 便服去
因為我自己擔心size未必啱嘅關係(大碼新娘的顧慮呀/.\)
自己都拎定咗一套婚紗過去俾攝影師睇下襯邊個景
㨂完女仔佢就會一齊去揀埋男仔衫,男仔衫就要行過去隔離果一幢嘅地舖度揀
(男仔果邊好似正咁多咁嘅....) 男仔就好少少, 放哂出黎，又會有多D款俾你揀嘅
裙同褲唔FIT佢會即時同你改，佢地都真係幾快手
揀完哂衫就等攝影師黎開會啦
(well……其實都等咗一陣攝影師哥哥仔先到,
咁就應該唔洗咁趕住我揀衫呀嘛......)
攝影師哥哥同佢個助手姐姐會同你商量一下行程先,
同埋會睇一睇你揀咗嘅衫適合影咩境嘅
可以參考返你自己影果個studio 嘅攝影師
有咩境影過係你自己鍾意嘅咁你可以自己留意一下， 最好事前做定功課哦，到時就同攝影師溝通一下就會方便好多~
::::::BONUS::::::::
無拎到花球黎嘅我以爲無花用，擔心緊嘅期間姨姨話我知::::
結果原來PW公司準備咗個鮮花球仔俾我！
仲要都唔錯架！ 之後兩日再影相用佢都仲Okay!!
由12點幾開始影到接近夜晚7點， 我換咗成6套衫，何生都換咗5套
攝影師係全部都影晒！！係影哂！！！係影哂啊！！！
影咗好多!!!仲有翻譯姨姨嘅側拍，我加埋收到三千張相都有
(PW包3條裙2套禮服，我自己帶一條婚紗同一套西裝，再加兩套便服 )
全日加埋其實我應該影咗有6到7個境, 地方就其實3至4個架咋
不過同一個地方可以有三個STYLE, 出黎D相都幾正!!!
唔講咁多啦~ 去相先!!!!
文章來源: ESDLife