Epilogue

濟洲島婚照~ Join咗One Plus One Wedding

影完pw超過一個月了~ 終於有時間紀錄一下今次去濟州島影pw的經歷和感受。由男朋友七月中求婚後開始籌備結婚,決定BD在明年三月中, 只有短短八個月時間, 時間的確有點緊逼, 所以所有決策都以光速完成, 特別係場地, BD攝影, 化妝和pw。~ 在完全茫無頭緒要或哪間PW公司的時候, 找出七月中在婚展接收的一大袋資料, 仔細研究, 逐一比較價錢和資料, 本來從不打算去韓國影pw的我最後竟然被 one plus one wedding的濟州攝影 package 吸引了~~(竟然) 

初初唔想去韓國的原因係自己去過兩次韓國, 都覺得韓國人粗魯沒禮貌, 老實講對韓國冇乜好感, 但見到濟州島的自然風景真係好靚, 同埋韓國影pw有一定質素, 而價錢又係budget之內, 所以一個唔鍾意韓國的人就轉軚了, 決定去濟州島影pw~ 

在1+1的facebook選好喜歡的studio, 定下攝影日期, 付訂金, 買機票, 還有決定自選的拍攝場景和地點, 就開展我的濟州島pw之旅了。~ 

去之前好多擔心, 怕流程有問題, 去完濟州島影pw後, 發現所有問題, 原來都不是問題, 1+1安排得好好, 由落訂金到拍攝完成整個流程都安排得非常流暢, 講真係有少少意想不到。~ 以下係我出發前一路都擔心的問題, 希望分享給大家。

問題1. 
交通安排如何?
答: 拍攝前一天, 當地的翻譯姨姨就和我在line溝通好, 早上大概七點左右便會駕車到酒店載我們到婚紗鋪化妝set頭選婚紗禮服~ 姨姨駕的是七人車, 一整天就載我們到不同景點拍攝, 而攝影師和助手就駕另一台車, 不用幾個人擠進同一台車子, 整個交通安排非常舒服。

問題2. 

韓國揀裙/揀禮服/化妝/set頭都係拍攝當天早上才做 (朋友話台灣或香港多數係前一日揀裙), 我會很趕嗎?? 
答: 拍攝當天早上七時半到達開始婚紗店化妝set頭, 連埋揀婚紗禮服, 我們大概十點半前已經可以前往拍攝了。原因係化妝, set頭和試裙的工作人員真係超級快手, 但絕不馬虎, 工作效率拍得住香港人! 而且一日搞掂, 不用前一日專登去婚紗店, 啱晒我和男朋友這款懶人。~

問題3. 
裙和禮服款式揀唔啱點算?? 
答: 到我最擔心揀裙問題~ 化完妝整完頭工作人員就會問你大概要甚麼款式的裙。我出發前都上網做了少少功課, cap了幾張圖給她看, 好快就拿出幾條裙來給我看, ok就試, 唔ok就再入貨倉拎。她們三個工作人員服務我一個, 效率極快幫我試裙換裙, 唔啱再試,,, 翻譯姨姨一路在旁幫我翻譯要求, 不消二十分鐘已經選好三套了,,,! 我專登選了三套不同感覺的款式 (露肩貼身裙, 露腰魚尾裙, 長袖大擺紗裙), 仲要款式好靚又唔殘舊! 我自問對裙都好有要求, 這間濟州島最大的婚紗店真的很滿足到我, 裙款又多又新淨, 男士的西裝部也分了不同尺碼和超多款式, 還可以即場改褲腳, 所以我相信係唔會出現揀唔啱的問題。~

好鍾意呢類長袖lace裙, cap圖給工作人員看, 立即拿類似款出來給我試~ 一試就ok, 超鍾意! 

 

問題4. 
和當地攝影師溝涌到嗎? 
答: 翻譯姨姨是濟州人, 卻說得一口很流利的普通話, 超利害。由化妝,整頭,揀裙,拍攝, 她到在場幫忙翻譯, 我一有要求或意見, 姨姨都耐心幫忙翻譯, 令整件事很流暢。翻譯人員更會為我們用手機側拍花絮呢!~

呢張係翻譯姨姨用男朋友手機側拍的~~ 估唔到連側拍都好靚~

 

問題5. 
有冇補妝和轉髮型?
答: 補妝係冇架 (美中不足),  只會噴下補濕水同埋補口紅, 助手會因應你的裙款造型去配不同顏色的口紅。髮型方面, 我去左六個場景, 換了三套裙, 助手幫忙轉了六個髮型。意想不到, 她的功力好強, 每個景點在車上幫我整頭, 整得又靚又很有效率~ 令拍攝造型更多變。 

下面係其中幾款我好鍾意的造型~~

露肩LACE~(蕎麥花系列~)

長袖LACE~(STUDIO內~)

露肩LACE~(綠茶園系列~)

露肩LACE~(森林系列~)

露腰魚尾裙~(樹林小路系列~)

露腰魚尾裙~(海邊系列~)

問題6.
天氣唔好點算??
答: 攝影師會因應天氣更改拍攝日期, 所以買機票時要注意, 盡量預留幾日走盞。

問題7.
幾時收到全部untouched相?
答: 我拍攝完成後第三日晚上喺濟州島機場準備回港, 已經收到攝影師透過1+1傳來的 email 收相了~ 驚呼 好快!!!! 相片未執, 已經好滿意, D相好靚!! 呢個email的確為濟州島pw之旅畫上完美句號呢~

 

聽好多朋友話影pw好辛苦, 但今次我和男朋友join這個一條龍package真係一d都不覺得辛苦。全程好順利好流暢, 已經係令我地加倍輕鬆~ 另外如果想影自然靚景的pw相, 真心推薦濟州島。~ 而我因為濟洲島的原故, 對韓國亦有改觀了~ XD

希望以上資料幫到各位未搵pw的b2b~

文章來源: ESDLife

  • Facebook
  • Instagram
grey whatsapp-logo-circle.png

E-mail: oneplusone.cs@gmail.com

Tel: +852 97659773 

Office Hour: Tue - Sat 10am-7pm (Close on public holiday)

Hong Kong Add: 

Unit 1007, 10/F, Sterling Centre, No. 11 Cheung Yue Street, Lai Chi Kok

(2-minute walk from Lai Chi Kok Station Exit A)

Korea Add:

1/F, Naraeofficetel, 103-6, Ganseok-dong, Namdong-gu, Incheon, Korea