韓國婚攝客人分享
Epilogue
A&R#9 最後一輯濟州prewedding 張張都靚♥選擇困難
收到上一輯香港prewedding相既時候我地去左濟州影相
(呢幾張係翻譯全程用手機幫我地影低既花絮, 未收到相時已經可以回味下同upload:p)
係facebook比佢地既相吸引左, 婚展特登搵返佢地booth去了解package
解釋都好詳盡, 所以就即時confirm啦!
濟州除左櫻花之外~
仲有油菜花, 海邊, 綠茶園, 牧場, 沙灘, 樹林等等等...所以我地揀左全部影室外!
影相既兩個月前收到prewedding注意事項
再溝通返大概想影邊d地方, 到當日再睇天氣同路線作最後決定!
安排既酒店好舒服
係海邊~ 間房仲有海景! 我地都覺得好超出預期! (成個stay都好滿意!)
酒店房看出去的海景
影相當日翻譯一早9點就係酒店lobby等我地喇! 估唔到佢都係我地全日既司機
先去studio化妝同揀衫!
我同未婚夫分開化妝set頭, 韓式既處理都好detail同細心, 之後就去揀衫喇!
Show左職員大概想要咩款 佢地就比我試 (自己都要做定功課架!)
婚紗好靚, 男禮都幾型!!!!
揀完衫之後翻譯買左早午餐比我地, 之後等埋助手就出發去join攝影師喇!!!
本身早到左濟州都見到d櫻花未開晒
但係meet up左攝影師(係兩夫婦好型) 佢地話可以影到櫻花, 再propose用山茶花取代牧場, 咁我地緊係OK no problem啦
影完既3個星期內已經收到既原相 未執的! 去相!
第一站 - 山茶花
天氣好好! 曬到high high 但係條公路好靚呀!
第二站 - 櫻花
雖然都係疏落, 但係總算完左我既心願
第三站 - 油菜花
換左個我指定既低馬尾 (化妝師仲用油菜花做頭飾同襟花!)
花田靚到呆左, 要踏入泥地影相, 辛苦晒助手幫我拎鞋換鞋
第四站 - 海邊
好大風 我凍到high high 但係值得架!
影埋日落!
成個團隊都勁friendly同helpful
攝影師車尾又有好多頭飾,呔, 花球同props for唔同場景
OMG! 千幾張張張都好靚!
要揀40張做相簿 超難取捨
其實本身計劃去日本京都大阪影櫻花
最後慶幸比我搵到One Plus One Wedding去濟州影相, 亦令我愛上濟州呢個地方!!!
文章來源: ESDLife